創意文化藝術界 x 科技界 推「Feel the Motion」計劃

By ,
今年嘅施政報告提出要創意文化藝術界同科技界攜手合作,優勢互補,為香港嘅創意產業以至整體社會締造更多新可能同新機遇,而信和集團一直以六大範疇為香港人服務,包括綠色生活、健康舒泰、匠心設計、創意革新、文化傳承同連繫社群。所以,信和推出「Feel the Motion」計劃,並且同本地知名動態影像設計公司eMotionLAB合作,以培育「Arts Tech」人才為目標,希望透過計劃啓發青年人才喺藝術、設計、科技3大領域嘅潛能。另外,計劃亦會通過粵港澳大灣區青年文創機構,邀請廣、深青年組織參加網上講座,互相交流。計劃嘅重頭戲「創意教學工作坊」更成功吸引過百個有意投身動態影像設計嘅人士遞交設計或個人作品集。脫穎而出嘅30個申請者更即將「開學」,展開為期6個月嘅增值之旅,幫佢哋喺瞬息萬變嘅未來掌握先機,裝備自己提升競爭力,以應付市場對動態影像設計嘅需求。「創意教學工作坊」逢星期六以網上形式舉行,提供12堂網上動態影像設計課程,包括理論課程、練習和小組培訓。 Cally
Click here to view original web page at blog.stheadline.com

English | 繁體中文 >> Contact Us